سؤال و رد غطاه

إحنا ليه كده ؟

بولوتيكا

حريفة فـ لعب البولوتيكا
و يا عيني علينا يا حرافيش
فـ إيديهم مفاتيح الجنة
و إيدينا بتوصل لمفيش

بولوتيكا دي لعبة و حماسية
و أهم ما فيها نتيجتها
بنشفها و نقرأها يوماتي
سيبينها لعالم بتاعتها

فـ عنيهم طيبة و سلام
و كلامهم معسول أحلام
و البسمة بتصرخ فـ قلوبهم
من كدب و غش و أوهام
دول عالم صنعتها كلام

بولوتيكا لتأكيلنا أونطة
ما يشوفوا بلدنا فـ مراية
مشاكلنا بتنحط فـ شنطة
و يأضم بيها السهراية

يتلاقوا فـ قصر يكون عالي
و يحكوا فـ عالم بتلالي
و يقولوا هنعمل و نسوي
و أهه كله بتمنه و بالغالي
و جيوبهم يملوها بلاوي

بولوتيكا هتفضل أنتيكة
ولا حد يهمه تكون عنده
الهم فـ لقمة بتتاكل
أو قرش يطاوعه و ما يعانده